വധശ്രമക്കേസിലെ പ്രതികൾ പൊലീസുകാരനെ വെട്ടി; തിരുവനന്തപുരത്താണ് സംഭവം
Updated: Nov 21, 2023, 10:19 IST
തിരുവനന്തപുരം: വധശ്രമക്കേസിലെ പ്രതികൾ പൊലീസുകാരനെ വെട്ടി പരിക്കേൽപിച്ചു. അയിരൂർ പൊലീസ് സ്റ്റേഷനിലെ സിവിൽ പൊലീസ് ഓഫീസർ ബിനുവിനാണ് വെട്ടേറ്റത്.വ്യത്യസ്ത കേസുകളിലായി കസ്റ്റഡിയിലെടുത്ത് സ്റ്റേഷനിലേക്ക് കൊണ്ടുവരവേയായിരുന്നു ആക്രമണം. വിവിധ കേസുകളിൽ പ്രതികളായ അനസ് ഖാൻ, ദേവനാരായണൻ എന്നിവരാണ് ആക്രമണം നടത്തിയത്. ഇന്നലെ രാത്രി പത്തരയോടെ അയിരൂർ പൊലീസ് സ്റ്റേഷന് സമീപത്തുവച്ചാണ് സംഭവം. കൊല്ലം സ്വദേശിയായ അനസ് ഖാനെയും തിരുവനന്തപുരം വെല്ലിക്കടവ് സ്വദേശി ദേവനാരായണനേയും വ്യത്യസ്ത കേസുകളിലായി കസ്റ്റഡിയിലെടുത്ത് സ്റ്റേഷനിലേക്ക് കൊണ്ടുവരവേയായിരുന്നു ആക്രമണം. പ്രതികളുടെ അറസ്റ്റ് ഇന്നലെ തന്നെ രേഖപ്പെടുത്തി. അനസ് ഖാൻ ഒന്നര വർഷം മുമ്പ് കല്ലമ്പലം സ്റ്റേഷനിലെ മൂന്ന് പൊലീസുകാരെ കുത്തിപ്പരിക്കേൽപ്പിച്ച കേസിലെ പ്രതിയാണ്.