യുവതിക്ക് നേരെ വാട്ടർ തീം പാർക്കിൽ ലൈംഗികാതിക്രമം നടത്തിയ പ്രഫസർ അറസ്റ്റിൽ
May 14, 2024, 14:41 IST
![ക്രൈം](https://timeskerala.com/static/c1e/client/91214/uploaded/4eb193291c02ce49e416a330b7d76b58.jpg)
കണ്ണൂർ: 22 വയസുകാരിക്ക് നേരേ തളിപ്പറമ്പിലെ വിസ്മയ വാട്ടർ തീം പാർക്കിൽ വച്ച് ലൈംഗികാതിക്രമം നടത്തിയ പ്രഫസർ അറസ്റ്റിൽ. പിടിയിലായത് പഴയങ്ങാടി മാടായി എരിപുരത്തെ ഇഫ്തിക്കർ അഹമ്മദ് (51) ആണ്. ഇയാൾ കാസർഗോഡ് കേന്ദ്ര സർവകലാശാല പ്രഫസറാണ്. സംഭവമുണ്ടായത് തിങ്കളാഴ്ച ഉച്ചകഴിഞ്ഞ് മൂന്നോടെയായിരുന്നു. പ്രതി വിസ്മയ പാർക്കിൽ ഉല്ലാസത്തിനെത്തിയത് കുടുംബസമേതമാണ്. കുടുംബസമേതം തന്നെയാണ് മലപ്പുറം സ്വദേശിനിയായ യുവതിയും എത്തിയത്. ഇഫ്തിക്കർ യുവതിയെ വേവ്പൂളിൽ വച്ച് കയറിപ്പിടിക്കുകയും തുടർന്ന് ഇവർ ബഹളം വയ്ക്കുകയും ചെയ്തു. ശേഷം പാർക്ക് അധികൃതരാണ് വിവരം പോലീസിലറിയിക്കുന്നത്. സ്ത്രീകൾക്കെതിരേയുള്ള അതിക്രമം തടയൽ നിയമപ്രകാരം കേസെടുത്ത ഇയാളെ കോടതിയിൽ ഹാജരാക്കി രണ്ടു ദിവസത്തേയ്ക്ക് റിമാൻഡ് ചെയ്തു.