പന്തീരാങ്കാവ് ഗാർഹിക പീഡനക്കേസ്: പ്രതി രാഹുൽ ഒളിവിൽ, ഇന്ന് പോലീസ് യുവതിയുടെ മൊഴിയെടുക്കും
May 15, 2024, 13:13 IST
![രാഹുൽ](https://timeskerala.com/static/c1e/client/91214/uploaded/8478575228c4a03c002b438dfc445be0.jpg)
കൊച്ചി: പന്തീരാങ്കാവിൽ നവവധുവിന് ഭർതൃവീട്ടിൽ ക്രൂരമായ മർദനമേറ്റ സംഭവത്തിൽ യുവതിയുടെ വീട്ടിലെത്തി ഇന്ന് പോലീസ് മൊഴി രേഖപ്പെടുത്തും. യുവതിയുടെ പിതാവിനെ ഇക്കാര്യം ഉയർന്ന പോലീസ് ഉദ്യോഗസ്ഥൻ വിളിച്ചറിയിച്ചു. നേരിട്ടെത്തി വനിതാ കമ്മീഷനും മൊഴിയെടുക്കും. അതേസമയം പ്രതിയായ രാഹുൽ ബെംഗളൂരു വഴി സിംഗപ്പൂരിലേക്ക് കടന്നു. ഇത് പന്തീരാങ്കാവ് പോലീസിൻ്റെ ഒത്താശയോടെയാണെന്നാണ് ആരോപണം. മുഖ്യമന്ത്രിക്കും വനിതാ കമ്മീഷനും റൂറൽ എസ് പി ക്കും യുവതിയുടെ പിതാവ് ഹരിദാസൻ പരാതി നൽകിയിരുന്നു. നടപടി ഈ പരാതിയുടെ അടിസ്ഥാനത്തിലാണ്. കൂടാതെ, സംഭവം നടന്ന പന്തീരാങ്കാവ് പോലീസ് സ്റ്റേഷനിൽനിന്നു യുവതിയുടെ സ്റ്റേഷൻ പരിധിയിലേക്ക് കേസിന്റെ അന്വേഷണ ചുമതല മാറ്റണമെന്നും പിതാവ് ആവശ്യപ്പെട്ടിരുന്നു. നിരന്തരം കോഴിക്കോട്ട് എത്തി കേസ് കാര്യങ്ങൾ നടത്താനുള്ള ബുദ്ധിമുട്ട് പരിഗണനയിലെടുത്താണ് ഇത്.