ബംഗ്ലാദേശ് എം പിയുടെ കൊലപാതകത്തിൽ ഒരാള്‍ കൂടി അറസ്റ്റിൽ
Jun 8, 2024, 16:27 IST
കൊല്‍ക്കത്ത: ഒരാള്‍ കൂടി ബംഗ്ലാദേശ് എം പി അന്‍വാറുള്‍ അസിം അനറിനെ കൊലപ്പെടുത്തിയ കേസില്‍ അറസ്റ്റിലായി. പിടിയിലായത് ബംഗ്ലാദേശ് ബോലയിലെ ബുര്‍ഹാനുദ്ദിന്‍ സ്വദേശി സിയാം ഹൊസൈന്‍ (33) ആണ്. പ്രതിയെ പിടികൂടിയത് പശ്ചിമ ബംഗാള്‍ പോലീസ് ആണ്. ബംഗാളിലെ നോര്‍ത്ത് 24 പര്‍ഗാനാസ് ജില്ലയിലെ ബംഗോണ്‍ പ്രദേശത്ത് നിന്ന് വെള്ളിയാഴ്ചയാണ് ഇയാളെ പിടികൂടിയത്. ഇന്ന് കോടതിയിൽ ഹാജരാക്കുന്ന ഇയാൾ കൃത്യത്തിന് ശേഷം നേപ്പാളിൽ ഒളിവിൽ കഴിയുകയായിരുന്നു. നേരത്തെ ജിഹാദ് ഹവ്‌ലദര്‍ എന്നയാളെ പോലീസ് അറസ്റ്റ് ചെയ്തിട്ടുണ്ടായിരുന്നു. അമേരിക്കയില്‍ ഒളിവില്‍ കഴിയുകയാണ് മുഖ്യപ്രതിയായ അക്തരു ജമാല്‍ ഷഹീന്‍.