നവജാതശിശുവിന്റെ കൊലപാതകം: യുവതിയുടെ പരാതിയിൽ ആണ്സുഹൃത്തിനെതിരേ കേസ്
May 16, 2024, 14:11 IST
കൊച്ചി: അമ്മ നവജാതശിശുവിനെ കൊലപ്പെടുത്തിയ ശേഷം ഫ്ലാറ്റില്നിന്ന് വലിച്ചെറിഞ്ഞ പനമ്പിള്ളി നഗറിലുണ്ടായ സംഭവത്തിൽ പ്രതിയായ യുവതിയുടെ ആണ്സുഹൃത്തിനെതിരേ കേസെടുത്ത് പോലീസ്. കേസെടുത്തിരിക്കുന്നത് വിവാഹവാഗ്ദാനം നല്കി പീഡിപ്പിച്ചെന്ന പരാതിയിലാണ്. കൊച്ചിയെ നടുക്കിയ സംഭവമുണ്ടായത് മേയ് മൂന്നിന് രാവിലെയാണ്. അവിവാഹിതയായ യുവതി ശുചിമുറിയില് പ്രസവിക്കുകയും മണിക്കൂറുകള്ക്കുള്ളില് കുഞ്ഞിനെ ശ്വാസം മുട്ടിച്ചു കൊന്നശേഷം പ്ലാസ്റ്റിക് കവറിൽ പൊതിഞ്ഞ് താഴേയ്ക്ക് വലിച്ചെറിയുകയുമായിരുന്നു. പോലീസ് സംഭവത്തിൽ കുഞ്ഞിന്റെ അമ്മയ്ക്കെതിരേ കൊലക്കുറ്റത്തിന് കേസെടുത്തിട്ടുണ്ടായിരുന്നു. നിലവിൽ റിമാൻഡിലാണ് ഇവർ.