ഇംഫാൽ: മണിപ്പൂരിലെ ഉഖ്റുൽ ജില്ലയിൽ ചരക്ക് വാഹനങ്ങൾക്ക് നേരെയുണ്ടായ ഭീകരാക്രമണത്തിൽ ഒരു ട്രക്ക് ഡ്രൈവർ കൊല്ലപ്പെട്ടു. സംഭവത്തിൽ ഒരു പോലീസ് കോൺസ്റ്റബിളിന് പരിക്കേൽക്കുകയും ചെയ്തു.(Militant Attack In Manipur Ukhrul District Truck Driver Killed)
വെള്ളിയാഴ്ച ഉഖ്റുൽ ജില്ലയിലെ ടി.എം. കാസോമിന് സമീപത്തുവെച്ചാണ് സംഭവം നടന്നത്. 15 മുതൽ 20 വരെ വരുന്ന ചരക്ക് ട്രക്കുകളുടെ അകമ്പടിയായി ബി.എസ്.എഫ്, സി.ആർ.പി.എഫ്, പോലീസ് എന്നിവരടങ്ങുന്ന സംയുക്ത സേന പോകുമ്പോഴായിരുന്നു ആക്രമണം. ഭീകരർ എന്ന് സംശയിക്കുന്നവർ ട്രക്ക് വ്യൂഹത്തിന് നേരെ വെടിയുതിർക്കുകയായിരുന്നു. സംഭവസ്ഥലത്തുവെച്ചുതന്നെ ട്രക്ക് ഡ്രൈവർ മരണപ്പെട്ടു.
പരിക്കേറ്റ പോലീസ് കോൺസ്റ്റബിളിനെ ആശുപത്രിയിൽ പ്രവേശിപ്പിച്ചു. സംഭവത്തെ മണിപ്പൂർ മുഖ്യമന്ത്രി യുമ്നം ഖേംചന്ദ് സിംഗ് ശക്തമായി അപലപിച്ചു. കൊല്ലപ്പെട്ട ഡ്രൈവർ പശ്ചിമ ബംഗാൾ സ്വദേശിയാണ്. പ്രദേശത്ത് സുരക്ഷാ സേന പരിശോധന ശക്തമാക്കിയിട്ടുണ്ട്. കുറ്റവാളികളെ എത്രയും വേഗം പിടികൂടുമെന്ന് അധികൃതർ വ്യക്തമാക്കി.
Story Summary
A truck driver from West Bengal was killed and a police constable was injured in an attack by suspected militants on a convoy of goods trucks in Manipur’s Ukhrul district on Friday. The convoy, escorted by joint security forces, was targeted near TM Kasom. Chief Minister Yumnam Khemchand Singh has strongly condemned the killing.
