ബാറിലെ വെടിവെപ്പിന് പിന്നിൽ ഗുണ്ടാസംഘത്തിലുള്ളവർ; കാര് ഉപേക്ഷിച്ച് മറ്റൊരു വാഹനത്തിൽ മുങ്ങി
![കൊച്ചിയിലെ ബാറിൽ വെടിവെപ്പ്; കണ്ടാലറിയാവുന്ന നാലു പേർക്കെതിരെ കേസെടുത്തു](https://timeskerala.com/static/c1e/client/91214/uploaded/e01ff2d2aed087d4c15e1d000a00a645.jpg)
കൊച്ചി: കലൂര് കത്രിക്കടവിലെ ബാറിലെ ജീവനക്കാരെ വെടിവെച്ച ശേഷം മുങ്ങിയ പ്രതികള് ക്വട്ടേഷന്, ലഹരി മാഫിയ സംഘത്തിലുള്പ്പെട്ടവരെന്ന് റിപ്പോർട്ട്. പ്രതികളിലൊരാളും അങ്കമാലി സ്വദേശിയുമായ യുവാവ് പോലീസ് കസ്റ്റഡിയിലായെന്നാണ് വിവരം. ഇന്ന് പുലര്ച്ചെ 12 മണിയോടെ ബാറിലെത്തിയ സംഘം മദ്യം ആവശ്യപ്പെട്ടതുമായി ബന്ധപ്പെട്ട തര്ക്കത്തിന്റെ അവസാനമാണ് ജീവനക്കാര്ക്ക് നേരെ വെടിയുതിര്ക്കുകയായിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
എന്നാൽ, അക്രമത്തിന് ശേഷം നാലംഗ സംഘം സഞ്ചരിച്ച കാര് മുടവൂരില്വെച്ച് ഉപേക്ഷിക്കുകയും മൊബൈല് ഫോണ് ഓഫ് ചെയ്ത് മറ്റൊരു വാഹനത്തില് കയറി പോയെന്നും വാർത്തകളുണ്ട്. ബാറിലെയടക്കം സിസിടിവി ദൃശ്യങ്ങള് പരിശോധിച്ചതില്നിന്നും പ്രതികളെ തിരിച്ചറിയാൻ കഴിഞ്ഞിട്ടുണ്ട്. മുമ്പ് ക്വട്ടേഷന്, ലഹരി മാഫിയ കേസുകളില് പോലീസിന്റെ പിടിയിലായിട്ടുള്ളവരാണ് പ്രതികള്. അക്രമം നടത്തിയതിന് ശേഷം പ്രതികള് മൂവാറ്റുപുഴ ഭാഗത്തേക്കാണ് പോയത്. സിസിടിവി കേന്ദ്രീകരിച്ചും പ്രതികളുടെ മൊബൈല് ലൊക്കേഷന് കേന്ദ്രീകരിച്ചും പോലീസ് അന്വേഷണം ഊര്ജിതമാക്കിയിരിക്കുകയാണ്.