ഓട്ടോ തടഞ്ഞ് യുവാവിനെ വെട്ടിക്കൊല്ലാൻ ശ്രമിച്ച കേസ്: നാല് പ്രതികൾ അറസ്റ്റിൽ
Apr 4, 2024, 22:11 IST
വെളിയങ്കോട്: ദേശീയപാതയിൽ ഓട്ടോ തടഞ്ഞു നിർത്തി യുവാവിനെ വെട്ടിക്കൊല്ലാൻ ശ്രമിച്ച കേസിലെ പ്രതികൾ അറസ്റ്റിൽ. മുഹമ്മദ് ഫായിസിൻ (28) എന്ന യുവാവിനെയാണ് ബൈക്കിലെത്തിയ ആറംഗ സംഘം വെട്ടി പരിക്കേൽപ്പിച്ചത്. വെളിയം കോട് സ്വദേശികളായ വടക്കേപ്പുറത്ത് വീട്ടിൽ ഷഹീറിനെ (28) എറണാകുളത്തുനിന്നും കല്ലം വളപ്പിൽ വീട്ടിൽ റാംബോ എന്ന റാഷിദ് (29), തണ്ണിത്തുറക്കൽ വീട്ടിൽ നിസാമുദ്ദീൻ എന്ന നിഷാദ് (33) എന്നിവരെ കോയമ്പത്തൂരിൽ നിന്നും മേത്തനാട്ട് വീട്ടിൽ അഫ്സൽ എന്ന അൻസാറിനെ (38) മലപ്പുറത്തു നിന്നുമാണ് അറസ്റ്റു ചെയ്തത്. കഴിഞ്ഞ വർഷം ആഗസ്റ്റ് 17ന് പുലർച്ചെ 3.30 നായിരുന്നു സംഭവം അടന്നത്. ഗുരുവായൂരിൽ നിന്ന് വെളിയംകോട്ടേക്ക് ഓട്ടോയിൽ പോകുകയായിരുന്ന മുഹമ്മദ് ഫായിസിനെ മന്ദലാംകുന്നിന് എടയൂരിൽ വെച്ച് തടഞ്ഞു നിർത്തിയാണ് വെളിയംകോടുനിന്ന് മൂന്ന് ബൈക്കിൽ മാരകായുധങ്ങളുമായി എത്തിയ സംഘം കൊല്ലാൻ ശ്രമിച്ചത്.