അന്തർസംസ്ഥാനക്കാർക്കിടയിൽ ക്രിമിനൽ കേസുകൾ വ്യാപകം; നാലുമാസത്തിനിടെ എ​റ​ണാ​കു​ളത്ത് മാത്രം നാല് കൊലപാതകങ്ങൾ
 

കൊ​ച്ചി: സംസ്ഥാനത്ത് അ​ന്ത​ർ സം​സ്ഥാ​ന​ക്കാ​ർ​ക്കി​ട​യി​ൽ ക്രി​മി​ന​ൽ കേ​സു​ക​ൾ വ്യാപകമായി വ​ർ​ധി​ക്കു​ന്നു. നാ​ലു​മാ​സ​ത്തി​നി​ടെ എ​റ​ണാ​കു​ളം ജി​ല്ല​യി​ൽ മാ​ത്രം നാ​ല് ക്രൂ​ര കൊ​ല​പാ​ത​ക​ങ്ങ​ളാണ് റിപ്പോർട്ട് ചെയ്യപ്പെട്ടത്. പൊ​ലീ​സിന്റെ ക​ണ​ക്ക​നു​സ​രി​ച്ച് ക​ഴി​ഞ്ഞ ആ​ഗ​സ്റ്റ് വ​രെ സം​സ്ഥാ​ന​ത്ത് 6794 ക്രി​മി​ന​ൽ കേ​സു​ക​ളാ​ണ്  ഇ​വ​ർ​ക്കി​ട​യി​ൽ റി​പ്പോ​ർ​ട്ട് ചെ​യ്ത​ത്. ഇ​തി​ൽ 161 കൊ​ല​പാ​ത​ക കേ​സു​ക​ളും 834 പീ​ഡ​ന​ക്കേ​സു​ക​ളും ഉ​ൾ​പ്പെ​ടു​ന്നു​ണ്ട്. തൊ​ഴി​ൽ വ​കു​പ്പി​ന്‍റെ കണക്കുപ്രകാരം സം​സ്ഥാ​ന​ത്ത് ഏ​റ്റ​വു​മ​ധി​കം അ​ന്ത​ർ​സം​സ്ഥാ​ന​ക്കാ​രു​ള്ള ജി​ല്ല​യാ​ണ് എ​റ​ണാ​കു​ളം.

ജൂ​ലൈ 28ന് ​ആ​ലു​വ​യി​ൽ അ​ഞ്ച് വ​യ​സ്സു​കാ​രി ബാ​ലി​ക​യെ ക്രൂ​ര​മാ​യി ബ​ലാ​ത്സം​ഗം ചെ​യ്ത് കൊലപ്പെടുത്തിയ അ​സ്ഫാ​ക് ആ​ല​മി​ന് കോ​ട​തി തൂ​ക്കു​ക​യ​ർ വി​ധി​ച്ച​ത് അ​ടു​ത്ത ദി​വ​സ​മാ​ണ്. ഇ​തി​ന് ശേ​ഷ​മാ​ണ് ആ​ഗ​സ്റ്റ് ഏ​ഴി​ന് വീ​ട്ടി​ൽ ഉ​റ​ങ്ങു​ക​യാ​യി​രു​ന്ന ചൊ​വ്വ​ര തൂ​മ്പാ​ല ബ​ദ​റു​ദ്ദീ​നെ (78) അ​തി​ക്ര​മി​ച്ചു​ക​യ​റി​യ അ​ന്ത​ർ​സം​സ്ഥാ​ന​ക്കാ​ര​ൻ ഒ​രു പ്ര​കോ​പ​ന​വു​മി​ല്ലാ​തെ ആക്രമിച്ചത്. ആ​ഴ്ച​ക​ളോ​ളം ഗു​രു​ത​രാ​വ​സ്ഥ​യി​ലാ​യി​രു​ന്ന ഇ​ദ്ദേ​ഹം ക​ഴി​ഞ്ഞ ദി​വ​സം മ​ര​ണ​മ​ട​ഞ്ഞു.