അർവൽ: ബീഹാറിലെ അർവൽ ജില്ലയിലുള്ള തേൽപ പോലീസ് സ്റ്റേഷൻ പരിധിയിൽ അംഗൻവാടി ആയയെ അതിക്രൂരമായി കൊലപ്പെടുത്തിയ നിലയിൽ കണ്ടെത്തി (Murder). രാധേ നഗർ അംഗൻവാടി കേന്ദ്രത്തിലെ സഹായിയായ 38 വയസ്സുകാരി ശിവ കാന്തി ദേവിയാണ് കൊല്ലപ്പെട്ടത്. ചൊവ്വാഴ്ച ജോലി കഴിഞ്ഞ് മടങ്ങിയ യുവതി വിറക് ശേഖരിക്കാനായി പോയതായിരുന്നു. എന്നാൽ രാത്രി വൈകിയിട്ടും അവർ വീട്ടിൽ തിരിച്ചെത്താത്തതിനെ തുടർന്ന് ഭർത്താവും മകനും നടത്തിയ തിരച്ചിലിലാണ് രക്തത്തിൽ കുളിച്ച നിലയിൽ ഇവരെ കണ്ടെത്തിയത്. ഉടൻ തന്നെ ആശുപത്രിയിൽ എത്തിച്ചെങ്കിലും പട്നയിലെ മെദാന്ത ആശുപത്രിയിൽ വെച്ച് മരണം സംഭവിക്കുകയായിരുന്നു.
യുവതിയെ ലൈംഗികമായി പീഡിപ്പിച്ച ശേഷം മർദ്ദിച്ചു കൊലപ്പെടുത്തിയതാണെന്ന് ബന്ധുക്കൾ ആരോപിക്കുന്നു. സംഭവസ്ഥലത്ത് നിന്ന് രക്തം പുരണ്ട വടിയും യുവതിയുടെ വസ്ത്രങ്ങളും മകൻ നിതീഷ് കണ്ടെത്തിയിട്ടുണ്ട്. ലൈംഗിക അതിക്രമത്തിന് ശേഷം തെളിവ് നശിപ്പിക്കാനോ അല്ലെങ്കിൽ കൊലപ്പെടുത്താനോ ഉള്ള ലക്ഷ്യത്തോടെ അതിക്രൂരമായ മർദ്ദനമാണ് നടന്നതെന്ന് മൃതദേഹം കണ്ടെത്തിയ സാഹചര്യത്തിൽ നിന്ന് വ്യക്തമാകുന്നു. സംഭവത്തിൽ പോലീസ് എഫ്.ഐ.ആർ രജിസ്റ്റർ ചെയ്യുകയും ശാസ്ത്രീയ തെളിവുകൾ ശേഖരിക്കുകയും ചെയ്തിട്ടുണ്ട്. പ്രതികളെ ഉടൻ പിടികൂടണമെന്ന് ആവശ്യപ്പെട്ട് പ്രദേശത്ത് പ്രതിഷേധം ശക്തമാണ്.
An Anganwadi worker allegedly raped and murdered in the Arwal district of Bihar. Her family discovered her in a critical condition after she went missing while collecting firewood, and she later succumbed to her injuries at a hospital in Patna. The police have initiated a probe into the incident following the discovery of incriminating evidence, including a blood-stained stick, at the crime scene.