ഓൺലൈൻ ട്രേഡിങ് വഴി വൻ ലാഭം വാഗ്ദാനം ചെയ്ത് ലക്ഷങ്ങൾ തട്ടിയെടുത്ത കേസിൽ പ്രതി പിടിയിൽ
Jun 9, 2024, 11:48 IST
![ഓൺലൈൻ ട്രേഡിങ് വഴി വൻ ലാഭം വാഗ്ദാനം ചെയ്ത് ലക്ഷങ്ങൾ തട്ടിയെടുത്ത കേസിൽ പ്രതി പിടിയിൽ](https://timeskerala.com/static/c1e/client/91214/uploaded/3380bf8f34ef74e1e40d2cc9c8afea80.png)
കോഴിക്കോട്: ഓൺലൈൻ ട്രേഡിങ് വഴി വൻ ലാഭം വാഗ്ദാനം ചെയ്ത് ലക്ഷങ്ങൾ തട്ടിയെടുത്ത കേസിൽ പ്രതി പിടിയിൽ. തമിഴ്നാട് സ്വദേശി സുഫിയാൻ കബീറിനെയാണ് കോഴിക്കോട് സിറ്റി ക്രൈം പൊലീസ് അറസ്റ്റുചെയ്തത്.പെർമനന്റ് കാപ്പിറ്റൽ എന്നപേരിൽ ട്രേഡിങ് വഴി മികച്ച വരുമാനം നേടാമെന്ന് വിശ്വസിപ്പിച്ച ഇയാൾ, കോഴിക്കോട് സ്വദേശിയുടെ അക്കൗണ്ടിൽ നിന്നും ഓൺലൈനായി 67 ലക്ഷം രൂപ തട്ടിയെടുത്തു എന്നാണ് കേസ്. 2022ൽ പന്തീരാങ്കാവ് പൊലീസ് രജിസ്റ്റർചെയ്ത കേസ് പിന്നീട് സൈബർ ക്രൈം പൊലീസ് ഏറ്റെടുക്കുകയായിരുന്നു.