വീട്ടിൽ ഉറങ്ങിക്കിടക്കുകയായിരുന്ന 10 വയസുകാരിയെ തട്ടിക്കൊണ്ടുപോയി കവർച്ച നടത്തി ഉപേക്ഷിച്ചു
May 15, 2024, 10:41 IST
![തിരുവനന്തപുരത്ത് ഉറങ്ങിക്കിടന്ന കുട്ടിയെ തട്ടിക്കൊണ്ടുപോകാൻ ശ്രമം](https://timeskerala.com/static/c1e/client/91214/uploaded/cdd4c478c2af889d67faaada685f9f11.jpg)
കാസര്ഗോഡ്: രാത്രി വീട്ടില് ഉറങ്ങി കിടക്കുകയായിരുന്ന പത്ത് വയസുകാരിയെ തട്ടിക്കൊണ്ടുപോയി കവര്ച്ച നടത്തിയ ശേഷം ഉപേക്ഷിച്ചു. സംഭവമുണ്ടായത് കാസർഗോഡ് പടന്നക്കാട് ഒഴിഞ്ഞവളപ്പിൽ ആണ്. ഇന്ന് പുലർച്ചെ രണ്ടരയോടെയുണ്ടായ സംഭവത്തിൽ കുട്ടിയെ തട്ടിക്കൊണ്ടുപോയത് മുത്തശ്ശന് പശുവിനെ കറക്കാന് പോയ സമയത്ത് അടുക്കളയിലെ കതക് തുറന്ന ശേഷമാണെന്നാണ് നിഗമനം. നാട്ടുകാർ കുട്ടിയെ കാണാതായ വിവരം അറിഞ്ഞ് തിരച്ചിൽ നടത്തുകയും തുടർന്ന് വീടിന് അധികം ദൂരെയല്ലാതെ ഉപേക്ഷിച്ച നിലയില് കുട്ടിയെ കണ്ടെത്തുകയുമായിരുന്നു. കാതിലുണ്ടായിരുന്ന കമ്മൽ മോഷ്ടിക്കപ്പെടുകയും കണ്ണിനും കഴുത്തിനും പരിക്കേൽക്കുകയും ചെയ്തിട്ടുണ്ട്. പരിക്കേറ്റതിനെതുടർന്ന് കുട്ടിയെ കാഞ്ഞങ്ങാട് ജില്ലാ ആശുപത്രിയില് ചികിത്സയ്ക്കായി പ്രവേശിപ്പിച്ചു.