പ്രധാനമന്ത്രിയുടെ ഓഫീസ് വിപണി നിരക്കുകൾ നിരീക്ഷിക്കുന്നു: വിലക്കയറ്റ ഭീഷണിയിൽ പരിപ്പ് മുതൽ എണ്ണ വരെ
Jun 8, 2024, 20:46 IST
ന്യൂഡൽഹി: പൊതുവിപണിയിൽ പയറുവർഗ്ഗങ്ങൾ, ഉള്ളി, തക്കാളി, ഉരുളക്കിഴങ്ങ്, ഭക്ഷ്യ എണ്ണ തുടങ്ങിയവയുടെ വില വർധിക്കുന്നതിനെത്തുടർന്ന് പ്രധാനമന്ത്രിയുടെ ഓഫീസ് ഇവയുടെ വില നിരീക്ഷിക്കുന്നതിനുള്ള ഇടപെടലുമായി രംഗത്ത്. കാർഷിക മേഖലയെ സാരമായി ബാധിച്ചിരുന്നു രാജ്യത്തുടനീളം വീശിയടിച്ച ഉഷ്ണതരംഗം. കേന്ദ്രസർക്കാർ വിലയിരുത്തുന്നത് ഇക്കാരണത്താൽ വരും ദിവസങ്ങളിൽ ഭക്ഷ്യവസ്തുക്കളുടെ വിലയിൽ ഏറ്റക്കുറച്ചിലുകൾക്ക് സാധ്യതയുണ്ടെന്നാണ്. ചില അവശ്യസാധനങ്ങളുടെ ലഭ്യതയും വിലയും ഭക്ഷ്യവിലക്കയറ്റം നിയന്ത്രിക്കുന്നതിനായി നിരീക്ഷിച്ചു വരികയാണ് കേന്ദ്രം. പയർവർഗങ്ങളുടെ ഇറക്കുമതി, വില വർധന പിടിച്ചുനിർത്തുന്നതിന് കേന്ദ്രസർക്കാർ ഉടൻ വർധിപ്പിക്കാൻ സാധ്യതയുണ്ടെന്നാണ് സൂചനകൾ.