വീണ്ടും സ്വർണവിലയിൽ ഇടിവ്: ഇന്ന് കുറഞ്ഞത് പവന് 320 രൂപ
May 14, 2024, 11:57 IST
കൊച്ചി: വീണ്ടും കുറഞ്ഞ് സംസ്ഥാനത്തെ സ്വർണവില. ഇന്ന് പവന് 320 രൂപയും ഗ്രാമിന് 40 രൂപയും കുറഞ്ഞ് ഒരു പവൻ സ്വർണത്തിന് 53,400 രൂപ എന്ന നിലയിലും, ഗ്രാമിന് 6,675 രൂപ എന്ന നിലയിലുമാണ് വ്യാപാരം പുരോഗമിക്കുന്നത്.18 കാരറ്റ് സ്വര്‍ണവിലയിൽ 30 രൂപ കുറവുണ്ടായി 5,560 രൂപയായി. പവന് 80 രൂപയും ഗ്രാമിന് 10 രൂപയും തിങ്കളാഴ്ച കുറഞ്ഞിരുന്നു. സ്വര്‍ണ വില താഴേക്ക് ഇറങ്ങുന്നത് മേയ് 10ന് അക്ഷയ തൃതീയ ദിനത്തില്‍ രണ്ട് തവണ വില വര്‍ധന രേഖപ്പെടുത്തിയ ശേഷമാണ്. ആദ്യമായി സ്വര്‍ണവില 50,000 കടന്നത് മാർച്ച് 29ന് ആണ്.