ബജാജ് ഹൗസിങ് ഫിനാന്സ് ഐപിഒയ്ക്ക്
![ipo](https://timeskerala.com/static/c1e/client/91214/uploaded_original/4870722ee2f3667de9c65e7de04b92c9.webp)
ബജാജ് ഗ്രൂപ്പിന്റെ ഭാഗവും ഭവന വായ്പ കമ്പനിയുമായ ബജാജ് ഹൗസിങ് ഫിനാന്സ് ലിമിറ്റഡ് പ്രാഥമിക ഓഹരി വില്പനയ്ക്ക് (ഐപിഒ) അനുമതി തേടി സെബിയ്ക്ക് കരടുരേഖ (ഡിആര്എച്ച്പി) സമര്പ്പിച്ചു. നാഷണല് ഹൗസിങ് ബാങ്കില് രജിസ്റ്റര് ചെയ്തിട്ടുള്ള കമ്പനി ഐപിഒയിലൂടെ 7,000 കോടി രൂപ സമാഹരിക്കാനാണ് ലക്ഷ്യമിടുന്നത്.
![](https://timeskerala.com/static/c1e/static/themes/16/91214/3752/images/New-Creative-.png)
10 രൂപ മുഖവിലയുള്ള 4000 കോടി രൂപയുടെ പുതിയ ഇക്വിറ്റി ഓഹരികളും പ്രമോട്ടര്മാരുടെ 3,000 കോടി രൂപയുടെ ഇക്വിറ്റി ഓഹരികളുടെ ഓഫര് ഫോര് സെയിലുമാണ് ഐപിഒയില് ഉള്പ്പെടുത്തിയിരിക്കുന്നത്. ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും.
കൊട്ടക് മഹീന്ദ്ര ക്യാപിറ്റല് കമ്പനി ലിമിറ്റഡ്, ബോഫാ സെക്യൂരിറ്റീസ് ഇന്ത്യ ലിമിറ്റഡ്, ആക്സിസ് ക്യാപിറ്റല് ലിമിറ്റഡ്, ഗോള്ഡ്മാന് സാച്ച്സ് (ഇന്ത്യ) സെക്യൂരിറ്റീസ് പ്രൈവറ്റ് ലിമിറ്റഡ്, എസ്ബിഐ ക്യാപിറ്റല് മാര്ക്കറ്റ്സ് ലിമിറ്റഡ്, ജെഎം ഫിനാന്ഷ്യല് ലിമിറ്റഡ്, ഐഐഎഫ്എല് സെക്യൂരിറ്റീസ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്മാര്.