യുനിപാര്ട്സ് ഇന്ത്യ ലിമിറ്റഡ് ഐപിഒ നവംബര് 30മുതൽ
കൊച്ചി: യുനിപാര്ട്സ് ഇന്ത്യ ലിമിറ്റഡിന്റെ പ്രാഥമിക ഓഹരി വില്പന (ഐപിഒ) നവംബര് 30 മുതല് ഡിസംബര് 2വരെ നടക്കും. പ്രമോട്ടര്മാരുടെയും നിലവിലുള്ള നിക്ഷേപകരുടെയും 14,481,942 ഇക്വിറ്റി ഓഹരികളുടെ ഓഫര് ഫോര് സെയിലാണ് ഐപിഒയില് ഉള്പ്പെടുത്തിയിരിക്കുന്നത്. 10 രൂപ മുഖവിലയുള്ള ഇക്വിറ്റി ഓഹരി ഒന്നിന് 548 രൂപ മുതല് 577 രൂപ വരെയാണ് പ്രൈസ് ബാന്ഡ് നിശ്ചയിച്ചിരിക്കുന്നത്. കുറഞ്ഞത് 25 ഇക്വിറ്റി ഓഹരികള്ക്കും തുടര്ന്ന് അതിന്റെ ഗുണിതങ്ങള്ക്കും അപേക്ഷിക്കാം.
50 ശതമാനം ഓഹരികള് അര്ഹരായ സ്ഥാപന നിക്ഷേപകര്ക്കും 15 ശതമാനം സ്ഥാപനേതര നിക്ഷേപകര്ക്കും 35 ശതമാനം റീട്ടെയ്ല് നിക്ഷേപകര്ക്കും ലഭ്യമാകും. ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും.
ആക്സിസ് ക്യാപിറ്റല്, ഡിഎഎം ക്യാപിറ്റല് അഡ്വൈസേഴ്സ്, ജെഎം ഫിനാന്ഷ്യല് എന്നിവരാണ് ഓഫറിന്റെ ബുക്ക് റണ്ണിങ് ലീഡ് മാനേജര്മാര്.