നാദിര്ഷയുടെ അറസ്റ്റ്;തീരുമാനം ഇന്ന്
Sep 15, 2017, 09:27 IST
കൊച്ചി: നടിയെ ആക്രമിച്ച കേസില് നടനും സംവിധായകനുമായ നാദിര്ഷ ഇന്ന് അന്വേഷണ സംഘത്തിന് മുന്പാകെ ഹാജരാകും. ഹൈക്കോടതി ഉത്തരവിനെ തുടര്ന്നാണ് നാദിര്ഷ ഇന്ന് ഹാജരാകുന്നത്. രാവിലെ 10 മണിയോടെ നാദിര്ഷ ഹാജരാകുമെന്നാണ് വിവരം. നാദിര്ഷായെ വിശദമായി ചോദ്യം ചെയ്യാനാണ് അന്വേഷണ സംഘത്തിന്റെ തീരുമാനം.ചോദ്യം ചെയ്യലിന് ശേഷം വേണ്ടി വന്നാല് അറസ്റ്റ് ചെയ്യുമെന്നാണ് റിപ്പോര്ട്ട്
നാദിര്ഷയുടെ മുന്കൂര് ജാമ്യാപേക്ഷ പരിഗണിച്ചപ്പോഴാണ് ഇന്ന് അന്വേഷണ സംഘത്തിന് മുന്പാകെ ഹാജരാകാന് കോടതി നിര്ദേശിച്ചത്. കേസില് നാദിര്ഷയുടെ പങ്കിനെ സംബന്ധിച്ച് ചില കാര്യങ്ങളില് വ്യക്തത വരുത്തണമെന്നും ഇതിനായി അദ്ദേഹത്തെ ചോദ്യം ചെയ്യണമെന്ന പ്രോസിക്യൂഷന് വാദം അംഗീകരിച്ച കോടതി നാദിര്ഷയോട് അന്വഷണ സംഘത്തിന് മുമ്പാകെ ഹാജരാകാന് ഉത്തരവിടുകയായിരുന്നു.