കൊച്ചിയിൽ ആക്രമണത്തിനിരയായ യുവനടിക്കെതിരേ പരാമർശം നടത്തിയെന്ന് ആരോപിച്ച് എ.എൻ.ഷംസീർ എംഎൽഎക്കെതിരെ പരാതി
കോഴിക്കോട്: കൊച്ചിയിൽ ആക്രമണത്തിനിരയായ യുവനടിക്കെതിരേ പരാമർശം നടത്തിയെന്ന് ആരോപിച്ച് എ.എൻ.ഷംസീർ എംഎൽഎക്കെതിരെ പരാതി. യൂത്ത് കോണ്ഗ്രസ് മലപ്പുറം ജില്ലാ പ്രസിഡന്റ് റിയാസ് മുക്കോളിയാണ് ജില്ലാ പോലീസ് മേധാവിക്കു പരാതി നൽകിയത്.
രണ്ടു മാസങ്ങൾക്കുമുന്പ് മലപ്പുറത്തുനടന്ന പൊതുപരിപാടിയിൽ ആക്രമണത്തിനിരയായ നടിയുടെ പേര് വെളിപ്പെടുത്തിയെന്നും പണം ലഭിച്ചാൽ കേസ് ഒത്തുതീർപ്പാക്കാൻ നടി തയാറാകുമെന്ന് അധിക്ഷേപിച്ചതായും പരാതിയിൽ ആരോപിക്കുന്നു. പ്രസംഗത്തിന്റെ വീഡിയോ ദൃശ്യങ്ങളും റിയാസ് മുക്കോളി പോലീസിനു കൈമാറിയിട്ടുണ്ട്.