ഭർത്താവ് നിർബന്ധിച്ച് ആസിഡ് കുടിപ്പിച്ചു; യുവതി അതീവ ഗുരുതരാവസ്ഥയിൽ
കോഴിക്കോട്: ഭർത്താവ് നിർബന്ധിച്ച് ആസിഡ് കുടിപ്പിച്ചതിനെത്തുടർന്ന് ഗുരുതര പരിക്കുകളോടെ യുവതിയെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു. വയനാട് വെള്ളമുണ്ട സ്വദേശിനി യാച്ചേരി വീട്ടിൽ ഫസീല(22)യെയാണ്ചികിത്സയ്ക്ക് എത്തിച്ചത്. ആന്തരികാവയവങ്ങൾക്ക് പൊള്ളലേറ്റിട്ടുണ്ട്. അന്നനാളവും മറ്റും പൊള്ളലേറ്റ് ചുരുങ്ങിയ നിലയിലാണെന്നും ആശുപത്രി വൃത്തങ്ങൾ അറിയിച്ചു. കഴിഞ്ഞ 31ന് രാത്രിയാണ് ഫസീലയെ ഭർത്താവ് പുങ്കുനൂറുള്ള ബംഗളൂരുവിലെ ഹൗറള്ളിസ്ട്രീറ്റിൽ ഇവർ താമസിച്ചിരുന്ന വീട്ടിൽ വച്ച് ആസിഡ് കുടുപ്പിച്ചത്. രാത്രി ഭക്ഷണം കഴിക്കുന്നതിനിടയിൽ നിർബന്ധിച്ച് ആസിഡ് കുടുപ്പിക്കുകായിരുന്നുവെന്ന് മെഡിക്കൽ കോളജ് പോലീസിന് നൽകിയ പരാതിയിൽ പറയുന്നു.