ബസിനു മുകളിലേക്ക് വൈദ്യുതകമ്പി പൊട്ടിവീണു; രണ്ടു യാത്രക്കാർ ഷോക്കേറ്റ് മരിച്ചു
Aug 31, 2017, 10:46 IST
ഡെറാഡൂൺ: ഉത്തരാഖണ്ഡിൽ ബസിനു മുകളിലേക്ക് വൈദ്യുതകമ്പി പൊട്ടിവീണുണ്ടായ അപകടത്തിൽ രണ്ടു പേർ ഷോക്കേറ്റ് മരിച്ചു. നാലു പേർക്ക് പരിക്കേറ്റു. അൽമോര ജില്ലയിലെ മാർച്ചുളയിലായിരുന്നു സംഭവം.
ഗോലിഖലിൽനിന്ന് രാംനഗറിലേക്ക് പോകുകയായിരുന്ന ബസാണ് അപകടത്തിൽപെട്ടത്. ഡ്രൈവറുൾപ്പെടെ 23 പേരാണ് വണ്ടിയിലുണ്ടായിരുന്നത്. പരിക്കേറ്റവരെ രാംനഗറിലെ ആശുപത്രിയിൽ പ്രവേശിപ്പിച്ചു.