രാജീവ് ഗാന്ധി വധക്കേസ്സ് പ്രതി പേരറിവാളന് 26 വര്ഷങ്ങള്ക്കു ശേഷം പരോള്
ചെന്നൈ: രാജീവ് ഗാന്ധി വധക്കേസിൽ ശിക്ഷിക്കപ്പെട്ട് ജയിലിൽ കഴിയുന്ന പ്രതികളിലൊരാളായ പേരറിവാളനു പരോൾ അനുവദിച്ചു. 30 ദിവസത്തെ പരോളാണ് തമിഴ്നാട് സർക്കാർ അനുവദിച്ചിരിക്കുന്നത്. പ്രായമായി രോഗാവസ്ഥയിൽ കഴിയുന്ന മാതാപിതാക്കളെ സന്ദർശിക്കുന്നതിനാണ് പരോൾ. പേരറിവാളന്റെ അമ്മ അർപ്പുതമ്മാളിന്റെ അപേക്ഷ പരിഗണിച്ചാണ് സർക്കാർ തീരുമാനം.
26 വർഷത്തിനുശേഷമാണ് പേരറിവാളനു പരോൾ അനുവദിക്കുന്നത്. വെല്ലൂർ സെൻട്രൽ ജയിലിലാണ് പേരറിവാളനെ താമസിപ്പിച്ചിരിക്കുന്നത്.
1991 മേയ് 21 നാണു രാജീവ് ഗാന്ധി വധിക്കപ്പെട്ടത്. 1998 ജനുവരിയിൽ പ്രത്യേക കോടതി 26 പ്രതികൾക്കു വധശിക്ഷ വിധിച്ചു. 1999 മേയ് 11ന് ഇവരിൽ നളിനിയുൾപ്പെടെ നാലു പ്രതികൾക്കെതിരായ വധശിക്ഷ സുപ്രീംകോടതി ശരിവച്ചു.