ഒമാന്റെ വാഹനാപകടങ്ങളില്‍ ജൂണ്‍ മാസത്തില്‍ മാത്രം മരിച്ചത് 50 പേര്‍
Aug 1, 2019, 11:50 IST
മസ്കത്ത്: ഒമാന്റെ വിവിധയിടങ്ങളിലുണ്ടായ വാഹനാപകടങ്ങളില്‍ ജൂണ്‍ മാസത്തില്‍ മാത്രം മരിച്ചത് 50 പേര്‍. ഇതില്‍ 17 പേര്‍ വിദേശികളാണെന്നും ദേശീയ സ്ഥിതി വിവരകേന്ദ്രത്തിന്റെ കണക്കുകള്‍ പറയുന്നു. 240 അപകടങ്ങളാണ് ജൂണിലുണ്ടായത്. ഇതില്‍ 62 വിദേശികളടക്കം 240 പേര്‍ക്ക് പരിക്കേറ്റു. മസ്കത്തിലാണ് കൂടുതല്‍ അപകടങ്ങളുണ്ടായത്, 23.8 ശതമാനം. വടക്കന്‍ ബാത്തിനയും ദോഫാറുമാണ് അടുത്ത സ്ഥാനങ്ങളില്‍. 60 ശതമാനം അപകടവും രാത്രി സമയത്താണ് ഉണ്ടായതെന്നും കണക്കുകള്‍ വ്യക്തമാക്കുന്നു.
