കെ.എം.സി.സി ഹജ്ജ് വളന്റിയര്മാര്ക്ക് പ്രത്യേക പരിശീലന ക്യാമ്ബ് സംഘടിപ്പിച്ചു
ജിദ്ദ: ഹജ്ജ് വേളയില് കെ.എം.സി.സി വളന്റിയര്മാര് പുണ്യഭൂമിയില് നടത്തിക്കൊണ്ടിരിക്കുന്ന സേവന പ്രവര്ത്തനങ്ങള് ലോകരാജ്യങ്ങള്ക്കു മുന്നില് ഇന്ത്യയുടെ അന്തസ്സും അഭിമാനവും സേവനതല്പരതയും ഉയര്ത്തിപ്പിടിക്കുന്ന വിധം അഭിമാനകരമാണെന്ന് മുന് കേന്ദ്ര ഹജ്ജ് കമ്മിറ്റി അംഗം അബ്ദുസ്സമദ് പൂക്കോട്ടൂര് പറഞ്ഞു. ജിദ്ദ കെ.എം.സി.സി സെന്ട്രല് കമ്മിറ്റി പുതുമുഖ വളന്റിയര്മാര്ക്ക് സംഘടിപ്പിച്ച പ്രത്യേക പരിശീലന ക്യാമ്ബ് ഉദ്ഘാടനം ചെയ്യുകയായിരുന്നു അദ്ദേഹം.
സി. കെ. റസാഖ് മാസ്റ്റര് അധ്യക്ഷത വഹിച്ചു. കേരളത്തിനു പുറത്തുള്ള 12 സംസ്ഥാനങ്ങളില്നിന്നായി കെ.എം.സി.സി സേവനത്തിന് കൊണ്ടുപോവുന്ന 200 പേരുടെ പ്രത്യേക പരിശീലന കളരി ജാലിയാത്ത് മേധാവി മുക്താര് അഹമ്മദ് ഉസ്മാനി ഉദ്ഘാടനം ചെയ്തു.