ക്രിക്കറ്റ് പിറന്ന മണ്ണിൽ ചരിത്രം പിറക്കുന്നതും കത്ത് ഇംഗ്ലണ്ട് ആരാധകർ
Jul 14, 2019, 15:27 IST
ലണ്ടന്: പുതിയ വിശ്വ ചാമ്പ്യന്മാര് ആരെന്നറിയാന് മണിക്കൂറുകളുടെ കാത്തിരിപ്പ് മാത്രം. ആദ്യ കിരീടം ലക്ഷ്യമിട്ടാണ് ഇംഗ്ലണ്ടും ന്യൂസിലന്ഡും ലോര്ഡ്സില് ഇറങ്ങുന്നത്. മുമ്പ് മൂന്ന് തവണ ഫൈനല് കളിച്ച ഇംഗ്ലണ്ടും തുടര്ച്ചയായ രണ്ടാം ലോകകപ്പ് ഫൈനലിനിറങ്ങുന്ന കിവികളും പോരടിക്കുമ്പോള് ആവേശം അലയടിച്ചുയരുമെന്നുറപ്പ്.വില്യംസണോ, മോര്ഗനോ ആരാവും ലോര്ഡ്സില് കപ്പുയര്ത്തുക. കാത്തിരിക്കാം ആ ചരിത്ര നിമിഷത്തിനായി. വിശ്വകിരീടം പുതിയ കൈകളില് വിശ്രമിക്കുന്നതോടെ ഇത്തവണത്തെ ലോകമാമാങ്കത്തിന് കൊടിയിറങ്ങും.