തരംഗമായി റിയല്മി സി2
മുന്നിര സ്മാർട്ട് ഫോണ് ബ്രാന്ഡായ റിയല്മിയുടെ പുതിയ മോഡലായ റിയല്മി സി2 വിപണിയില് ട്രെന്ഡാകുന്നു. ഇന്ത്യന് സ്മാര്ട്ട് ഫോണ് ഉപഭോക്താക്കള്ക്ക് ഏറ്റവും മികച്ച അനുഭവങ്ങള് നല്കുന്നു എന്നതാണ് ഫോണിനെ പ്രിയപ്പെട്ടതാക്കിയിരിക്കുന്നത്.
മികച്ച സ്ക്രീന്
സ്ക്രീനില് തുടങ്ങുകയാണ് ഫോണിന്റെ സവിശേഷത. 6.1 ഇഞ്ച് എച്ച്ഡി + ഡ്യൂഡ്രോപ്പ് ഫുള് സ്ക്രീന്. എച്ച്ഡി പ്ലസ് സ്ക്രീൻ പവർ കോര്ണിങ് ഗ്ലാസ് 3 ഉറപ്പുവരുത്തുന്നു. മൂന്ന് ലെയര് പെയിന്റിങോടെയുള്ള ഡയമണ്ട് കട്ട് ഡിസൈനും മുത്തുപോലെ പ്രകാശിക്കുന്ന ഭാഗങ്ങളും കൂടുതല് പൊലിമ നല്കുന്നു. ചിത്രങ്ങളുടെ സ്റ്റോറേജ് കപ്പാസിറ്റിയും മറ്റുള്ളവയെ പിന്നിലാക്കുന്നു. മികച്ച ക്വാളിറ്റി പ്രിന്റ് ലഭിക്കുന്ന രീതിയിലുള്ള സ്റ്റോറേജ്.
കരുത്തുറ്റ ബാറ്ററി
ചാര്ജ് ചെയ്യാതെ ഒരു ദിവസം ഉപയോഗം ഉറപ്പു നല്കുന്ന തരത്തില് 4000 എംഎഎച്ച് ബാറ്ററിയാണു ഫോണില് ഉപയോഗിക്കുന്നത്. സുദീര്ഘ ബാറ്ററിയും മികച്ച പ്രകടനവും നല്കുന്നതാണ് ഫോണിലെ 2.0 ജിഎച്ച്സെഡ്, 12 എന്എം ഒക്റ്റ കോര് ഹീലിയൊ പി22 പ്രോസസര്. വികസിപ്പിക്കാവുന്ന 156ജിബി സ്റ്റോറേജ് കപ്പാസിറ്റിയും 4ജി ഡ്യുവല് സിം സപ്പോര്ട്ട് ചെയ്യുന്ന മൂന്ന് കാര്ഡ് സ്ലോട്ടുകളും ഉണ്ട്.
ക്യാമറ
എഐ ഡ്യുവല് ക്യാമറയാണ് മറ്റൊരു പ്രത്യേകത. 13 എംപി+2 എംപിയുള്ള ഈ ക്യാമറ കൂടുതല് കൃത്യവും സ്വാഭാവികവുമായ ചിത്രങ്ങള് നല്കുന്നു. ക്രോമ ബൂസ്റ്റ് എച്ച്ഡിആര് റേഞ്ചും വര്ണങ്ങളും മെച്ചപ്പെടുത്തുന്നു. 80എഫ്പിഎസ്/480പി സ്ലോ മോഷന് വീഡിയൊ റെക്കോര്ഡിങ് നല്കുന്ന ഈ വിലയിലെ ആദ്യ ഫോണാണിത്. ആൻഡ്രോയ്ഡ് 9പൈയുടെ അടിസ്ഥാനത്തില് കളര് ഒഎസ്6 ആണ് റിയല്മി സി2വില് ഉപയോഗിക്കുന്നത്.
വില
2ജിബി റാം+16ജിബി റോം, 2ജിബി റാം+32ജിബി റോം, 3ജിബി റാം+32ജിബി റോം എന്നീ വ്യത്യസ്തകളില് 5,999 രൂപ മുതല് റിയല്മി സി2 ലഭ്യമാണ്.