സാല്‍മിയയിലെ കഫേകള്‍ കേന്ദ്രീകരിച്ചു ഹവല്ലി മുനിസിപ്പാലിറ്റി അധികൃതര്‍ നടത്തിയ പരിശോധനയെത്തുടർന്ന് ഒമ്ബതു കടകള്‍ പൊളിച്ചുമാറ്റി
കുവൈത്ത് സിറ്റി: സാല്‍മിയയിലെ കഫേകള്‍ കേന്ദ്രീകരിച്ചു ഹവല്ലി മുനിസിപ്പാലിറ്റി അധികൃതര്‍ നടത്തിയ പരിശോധനയില്‍ നേരത്തെ താക്കീതു നല്‍കിയ ഒമ്ബതു കടകള്‍ പൊളിച്ചുമാറ്റിയതായി പരിശോധനക്ക് നേതൃത്വം നല്‍കിയ അഹ്മദ് റമദാന്‍ അറിയിച്ചു.
ഈ കഫേകളുടെ മേല്‍ കഴിഞ്ഞ പരിശോധനയില്‍ പിഴ ചുമത്തുകയും നിയമങ്ങള്‍ പാലിക്കാന്‍ 20 ദിവസം സമയം നല്‍കുകയും ചെയ്തിരുന്നു. ബുള്‍ഡോസറും മറ്റു സംവിധാനങ്ങളുമായി എത്തിയാണ് പൊളിച്ചത്. പെെട്ടന്നുള്ള മുനിസിപ്പാലിറ്റിയുടെ തീരുമാനത്തെ തുടര്‍ന്ന് ഉടമകള്‍ അപ്പീല്‍ നില്‍കിയെങ്കിലും ഫലമുണ്ടായില്ല. സാല്‍മിയ ഏരിയയിലെ ആദ്യഘട്ട പരിശോധന ഇതോടെ അവസാനിച്ചുവെന്നും വരും ദിവസങ്ങളില്‍ മറ്റു ഭാഗങ്ങളില്‍ പരിശോധന നടത്തുമെന്നും മുനിസിപ്പല്‍ വക്താവ് ഇബ്രാഹീം അല്‍ സബാന്‍ അറിയിച്ചു.
