ലക്ഷ്യം തെറ്റിയ സിറിയന്‍ മിസൈല്‍ തുര്‍ക്കിയിലെത്തി
നിക്കോസ്യ: ലക്ഷ്യം തെറ്റിയ സിറിയന്‍ മിസൈല്‍ തുര്‍ക്കിയിലെത്തി. തുര്‍ക്കിയുടെ ഭരണത്തിലുള്ള വടക്കന്‍ സൈപ്രസിലാണ് മിസൈല്‍ വന്നു പതിച്ചത്. തലസ്ഥാനമായ നിക്കോസ്യയ്ക്കു സമീപം വ്യൂനോയിലുള്ള പാര്‍ക്കിലാണു മിസൈല്‍ പതിച്ചത്. ഇതെത്തുടര്‍ന്നു സമീപമുള്ള കുന്നിന്‍ പ്രദേശത്തു തീപിടിത്തമുണ്ടായി.
ഹോംസിലും ഡമാസ്കസിലും ആക്രമണം നടത്തിയ ഇസ്രേലി യുദ്ധവിമാനങ്ങള്‍ക്ക് എതിരേ സിറിയന്‍ സൈന്യം പ്രയോഗിച്ച റഷ്യന്‍ നിര്‍മിത മിസൈലാണിതെന്നു കരുതപ്പെടുന്നു.