മകളുടെ ജീവന് രക്ഷിക്കാന് പേരക്കുട്ടിക്ക് ജന്മം നല്കിയത് മാതാവ്; ജീവൻ നഷ്ടപ്പെടും എന്ന് ഡോക്ടർമാർ പറഞ്ഞിട്ടും പിന്മാറാതെ 53 കാരി
മകളുടെ ജീവന് രക്ഷിക്കാന് പേരകുഞ്ഞിന് ജന്മം നല്കി മാതാവ് .53 കാരിയായ അധ്യാപികയാണ് മകള് ഇന്ഗ്രിഡിന്റെ പെണ്കുഞ്ഞിന് ജന്മം നല്കിയത്. തെക്കന് ബ്രസീലിയന് സംസ്ഥാനമായ സാന്ത കാറ്റാറിനയിലെ ഫ്ലോറിയാനോപൊളിസിലാണ് വിചിത്ര സംഭവം നടന്നത്.2014 ല് ഇന്ഗ്രിഡിന് ശ്വാസകോശ സംബന്ധമായ രോഗങ്ങളുണ്ടായിരുന്നു. ശരീരത്തിലെ രക്തം കട്ടപിടിക്കുന്നതിനാല് ഗര്ഭം ധരിച്ചാല് ജീവന് അപകടത്തിലാകുമെന്ന് ഡോക്ടര്മാര് വെളിപ്പെടുത്തിയിരുന്നു .ഇതോടെയാണ് മകളുടെ കുഞ്ഞിനെ ഗര്ഭം ധരിക്കാന് മാതാവ് തയ്യാറായത്. റോസിക്ലിയ ഐ.വി.എഫിലൂടെ മകളുടെ കുഞ്ഞിനെ ഗര്ഭം ധരിക്കുകയായിരുന്നു.അതെ സമയം പ്രായമായതിനാല് ജീവൻ വരെ നഷ്ടപ്പെട്ടേക്കാം എന്ന് അറിഞ്ഞുകൊണ്ടും പൂര്ണമനസോടെ 53 കാരി മകളുടെ ആഗ്രഹം സഫലമാക്കാന് തയാറായതെന്ന് കുടുംബം പറയുന്നു. ആഗസ്റ്റ് 19നാണ് പേരമകള് മരിയ ക്ലാര ജനിച്ചത് .