ഒരുമിച്ചുള്ള 42 വർഷങ്ങൾ!! വിവാഹ വാര്ഷിക ദിനത്തില് ഭാര്യക്കൊപ്പമുള്ള ചിത്രം പങ്കുവച്ച് മുഖ്യമന്ത്രി പിണറായി വിജയൻ
തിരുവനന്തപുരം: വിവാഹ വാര്ഷിക ദിനത്തില് ഭാര്യക്കൊപ്പമുള്ള ചിത്രം പങ്കുവച്ച് മുഖ്യമന്ത്രി പിണറായി വിജയൻ. ഒരുമിച്ചുള്ള 42 വർഷങ്ങൾ എന്ന അടികുറിപ്പോടെയാണ് ചിത്രം സമൂഹമാധ്യമങ്ങളിൽ പങ്കുവച്ചിരിക്കുന്നത്. പിണറായിയുടെയും കമല വിജയന്റെയും 42-ാം വിവാഹ വാര്ഷിക ദിനമാണ് ഇന്ന്.അപൂർവമായാണ് ഇത്തരത്തിൽ വ്യക്തിപരമായ ആഘോഷ നിമിഷങ്ങൾ പിണറായി സമൂഹമാധ്യമങ്ങളിൽ പങ്കുവയ്ക്കാറ്. അതിനാൽ തന്നെ മുഖ്യമന്ത്രിയുടെ ഫേസ്ബുക്ക് പേജിൽ നിരവധി പേരാണ് ആശംസകൾ അറിയിച്ചെത്തിയത്. അതെസമയം നിമിഷ നേരങ്ങൾക്കുള്ളിൽ പോസ്റ്റ് വൈറലാകുകയും ചെയ്തു.