പാഠ്യപദ്ധതിയില്‍ തെറ്റായ വിവരങ്ങള്‍ ചേര്‍ത്തെന്ന് ആരോപണം ; ബൈജു രവീന്ദ്രനെതിരെ കേസെടുത്ത് മുംബൈ പോലീസ്
മുംബൈ: ഓണ്‍ലൈന്‍ പഠന ആപ്ലിക്കേഷനായ ബൈജൂസിന്‍റെ ഉടമയായ ബൈജു രവീന്ദ്രനെതിരെ മുംബൈ പോലീസ് കേസെടുത്തു . യുപിഎസ്‌സി പാഠ്യപദ്ധതിയില്‍ തെറ്റായ വിവരങ്ങള്‍ ചേര്‍ത്തെന്ന് ആരോപിച്ചാണ് പോലീസ് കേസെടുത്തിരിക്കുന്നത്.ക്രിമിയോഫോബിയ എന്ന കമ്ബനിയുടെ പരാതിയുടെ അടിസ്ഥാനത്തിലാണ് കേസെടുത്തിരിക്കുന്നത്. ജൂലൈ 30 ന് ആണ് ആരെ കോളനി പോലീസ് എഫ്‌ഐആര്‍ രജിസ്റ്റര്‍ ചെയ്തത്. ക്രിമിനല്‍ ഗൂഡാലോചന 120 (ബി), ഐടി നിയമത്തിലെ 69 (എ) എന്നീവകുപ്പുകളാണ് ചേര്‍ത്താണ് കേസ്. ബഹുരാഷ്ട്ര ആസൂത്രിത കുറ്റകൃത്യങ്ങള്‍ക്കെതിരായ യുഎന്‍ കണ്‍വന്‍ഷന്‍റെ നോഡല്‍ ഏജന്‍സിയാണ് സിബിഐ എന്ന പരാമര്‍ശമാണ് കേസിനാസ്പദമായത്.
