പുതിയ നിബന്ധനകള് പ്രായോഗികമല്ല :എസ്.ഡി.പി.ഐ
തിരുവനന്തപുരം: സര്ക്കാര് ഏര്പ്പെടുത്തിയ പുതിയ നിബന്ധനകള് അപ്രായോഗികമാണെന്ന് എസ്.ഡി.പി.ഐ സംസ്ഥാന സെക്രട്ടറി കെ.എസ്. ഷാന്. വ്യാപാര സ്ഥാപനങ്ങൾക്ക് മേൽ സർക്കാർ ഏർപ്പെടുത്തിയ നിയന്ത്രണ നയമാണ് പ്രായോഗികമല്ലാത്തത്.
ആദ്യ ഡോസ് വാക്സിന് എടുത്ത് രണ്ടാഴ്ച പിന്നിട്ടവരോ, 72 മണിക്കൂറിനുള്ളില് ആര്.ടി.പി.സി.ആര് എടുത്തവരോ, ഒരു മാസത്തിന് മുമ്പ് രോഗമുക്തി നേടിയവരോ മാത്രമേ സ്ഥാപനങ്ങളിൽ പ്രവേശിക്കാവൂ എന്നാണ് സര്ക്കാര് ഉത്തരവില് പറയുന്നത്. നിലവിൽ വാക്സിൻ ലഭ്യത രൂക്ഷമായതിനാലും ,പകുതിയിൽ കൂടുതൽ ജനതയ്ക്ക് വാക്സിൻ ലഭിക്കാത്തതിനാലും ഇത് അവശ്യസാധനങ്ങള് വാങ്ങാന് കടകളിലെത്തുന്നവര്ക്ക് വലിയ പ്രതിസന്ധി സൃഷ്ടിക്കുമെന്ന് കെ.എസ്. ഷാന് ചൂണ്ടിക്കാട്ടി. കൂടാതെ നിബന്ധനകള് പുനഃപരിശോധിക്കാന് അദ്ദേഹം അഭ്യർത്ഥിച്ചു.