സലാലയിലേക്ക് ഖരീഫ് സഞ്ചാരികൾ
മസ്കത്ത്: മസ്ക്കറ്റിലെ സലാലയിലേക്ക് ഖരീഫ് സഞ്ചാരികളുടെ വരവിന് ആരംഭം കുറിച്ചു . ജൂൺ 21നാണ് സീസൺ ആരംഭിച്ചത്. ജൂൺ 25 വരെയുള്ള സമയത്തിനുള്ളിൽ 5896 പേർ സലാലയിൽ എത്തിയതായി ദേശീയ സ്ഥിതിവിവര കേന്ദ്രത്തിെൻറ കണക്കുകൾ പറയുന്നു. സന്ദർശകരിൽ പകുതിയോളം പേരും സ്വദേശികളാണ്. റോഡ്, വ്യോമ മാർഗങ്ങളിലൂടെയെത്തുന്ന സഞ്ചാരികളുടെ വിശദ വിവരങ്ങൾ രേഖപ്പെടുത്താൻ സുസജ്ജമായ സംവിധാനങ്ങൾ ഒരുക്കിയിട്ടുണ്ട്.
കര അതിർത്തികൾ, സലാല വിമാനത്താവളം, സിറ്റി എൻറർടെയ്ൻമെൻറ് സെൻറർ എന്നിവിടങ്ങളിലാണ് ഇൻഫർമേഷൻ സെൻററുകൾ പ്രവർത്തിക്കുക. ടൂറിസം മാപ്പുകൾ, വിവിധ വിവരങ്ങൾ ഉൾക്കൊള്ളുന്ന ബ്രോഷറുകൾ തുടങ്ങിയവ ഇവിടെ ലഭിക്കും. താൽക്കാലിക ടൂറിസം ഗൈഡുമാരുടെ സേവനവും ഇവിടെ ലഭ്യമാകുമെന്ന് മർവാൻ അൽ ഗസ്സാനി കൂട്ടിച്ചേർത്തു .