അമേരിക്കയിലെ അലാസ്കയിൽ ഭൂചലനം; സുനാമി മുന്നറിയിപ്പ്
Jul 29, 2021, 13:42 IST
വാഷിംഗ്ടണ് ഡിസി: അമേരിക്കയിലെ അലാസ്കയിൽ റിക്ടർ സ്കെയിലിൽ 8.2 തീവ്രത രേഖപ്പെടുത്തിയ ഭൂചലനം ഉണ്ടായി. പെറിവില്ലെ നഗരത്തിന് തെക്കുകിഴക്കായി 91 കിലോമീറ്റർ അകലെയാണ് ഭൂചലനം അനുഭവപ്പെട്ടതെന്ന് യുഎസ് ജിയോളജിക്കൽ സർവേ അറിയിച്ചു. ഇതേ തുടർന്നു തെക്കുകിഴക്കൻ അലാസ്കയിൽ യുഎസ് സർക്കാർ സുനാമി മുന്നറിയിപ്പ് നൽകി. ശക്തമായ ചലനത്തിൽ കെട്ടിടങ്ങൾ കുലുങ്ങിയതോടെ ജനങ്ങൾ പരിഭ്രാന്തരായി പുറത്തിറങ്ങി. റോഡുകൾ പലയിടത്തും തകർന്നു.അതേസമയം, ആളപായം റിപ്പോർട്ട് ചെയ്തിട്ടില്ല.