സുപ്രീംകോടതി വിധി അംഗീകരിക്കുന്നു, നിരപരാധിത്വം തെളിയിക്കും,രാജി വയ്ക്കേണ്ട സാഹചര്യമില്ല; ശിവൻകുട്ടി
Jul 28, 2021, 12:28 IST
തിരുവനന്തപുരം: നിയമസഭാ കൈയാങ്കളി കേസിൽ സുപ്രീംകോടതി വിധി അംഗീകരിക്കുന്നുവെന്ന് വിദ്യാഭ്യാസ വകുപ്പ്മന്ത്രി വി. ശിവൻകുട്ടി. വിചാരണ കോടതിയിൽ നിരപരാധിത്വം തെളിയിക്കുമെന്നും, കോടതി വിധിയുടെ പശ്ചാത്തലത്തിൽ മന്ത്രിസ്ഥാനം രാജിവയ്ക്കേണ്ട സാഹചര്യം ഇല്ലെന്നും ശിവൻകുട്ടി പറഞ്ഞു.നിയമസഭാ കൈയാങ്കളി കേസിൽ ശിവൻകുട്ടി ഉൾപ്പെടെ കേസിലെ എല്ലാ പ്രതികളും വിചാരണ നേരിടണമെന്ന് സുപ്രീംകോടതി ഇന്ന് വിധിച്ചു. കേസ് അവസാനിപ്പിക്കണമെന്ന സംസ്ഥാന സർക്കാരിന്റെ ആവശ്യവും സുപ്രീംകോടതി തള്ളി.