chem

രണ്ട്​ ഡോസ്​ വാക്​സിനുമെടുത്ത ഡോക്​ടര്‍ക്ക്​ മൂന്നാം തവണയും കോവിഡ്​

മുംബൈ: രണ്ട്​ ഡോസ്​ കോവിഡ് പ്രതിരോധ വാക്​സിനുമെടുത്ത മുംബൈയിലെ ഡോക്​ടര്‍ക്ക്​ ​മൂന്നാമതും കോവിഡ്​ സ്ഥിരീകരിച്ചതായി റിപ്പോർട്ട്. വീര്‍ സവര്‍ക്കര്‍ ആശുപത്രിയിലെ ഡോക്​ടറായ ഡോ. ശ്രീഷ്​ടി ഹല്ലാരിക്കാണ്​ വൈറസ്​ബാധ സ്ഥിരീകരിച്ചത്​. 13 മാസത്തിനിടെ ഇത്​ മൂന്നാം തവണയാണ്​ ഡോക്​ടര്‍ക്ക്​ രോഗബാധ സ്ഥിരീകരിക്കുന്നത്​. രണ്ട്​ ഡോസ്​ വാക്​സിന്‍ എടുത്തതിന്​ ശേഷവും രണ്ട്​ തവണ രോഗം പിടികൂടുകയായിരുന്നു. മുംബൈ ഹല്ലാരിക്കൊപ്പം കുടുംബത്തിലെ മുഴുവന്‍ പേര്‍ക്കും രോഗബാധ സ്ഥിരീകരിച്ചിട്ടുണ്ട്​​. കഴിഞ്ഞ വര്‍ഷം ജൂണ്‍ 17​നാണ്​ ഡോക്ടർക്ക് ആദ്യമായി കോവിഡ്​ സ്ഥിരീകരിച്ചത്​. അന്ന്​ കാര്യമായ രോഗലക്ഷണങ്ങളുണ്ടായിരുന്നില്ല. തുടര്‍ന്ന്​ ഈ വര്‍ഷം മാര്‍ച്ച്‌​ എട്ടിന്​ ഹല്ലാരി കോവിഷീല്‍ഡിന്‍റെ ആദ്യ ഡോസ്​ വാക്​സിന്‍ സ്വീകരിച്ചു. ഏപ്രില്‍ 29ന്​ ​രണ്ടാം ഡോസും സ്വീകരിച്ചു. മുഴുവന്‍ കുടുംബവും വാക്​സിന്‍ സ്വീകരിച്ചിരുന്നു.എന്നാല്‍, വാക്​സിന്‍ സ്വീകരിച്ചതിന്​ ശേഷം മെയ്​ 29ന്​ വീണ്ടും ഇവര്‍ക്ക്​ കോവിഡ്​ സ്ഥിരീകരിക്കുകയായിരുന്നു. ജൂലൈ 11ന്​ ഡോ. ശ്രീഷ്​ടി ഹല്ലാരിക്ക്​ മൂന്നാമതും കോവിഡ്​ സ്ഥിരീകരിക്കുകയായിരുന്നു. എന്നാല്‍ മൂന്നാമതും രോഗബാധ സ്ഥിരീകരിച്ചപ്പോള്‍ ഇവര്‍ക്ക്​ ശാരീരികമായ അസ്വസ്ഥതകളുണ്ടായതിനെ തുടര്‍ന്ന്​ ആശുപത്രിയില്‍ പ്രവേശിപ്പിക്കുകയും റെഡംസിവീര്‍ മരുന്ന്​ നല്‍കുകയും ചെയ്​തു.

ലോകം മുഴുവൻ കോവിഡ് ഭീഷണിയിൽ കഴിയുന്ന ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ടൈംസ്‌കേരള അഭ്യർത്ഥിക്കുന്നു. ഇതൊരു യുദ്ധമാണെന്നും വിജയം മാത്രമാണ് നമ്മുടെ ലക്ഷ്യമെന്നതും മറക്കാതിരിക്കുക,

You might also like

Comments are closed.