ആഡംബര കാർ കേസിൽ വിജയ്ക്ക് ഇടക്കാല സ്റ്റേ ലഭിക്കുന്നു
Jul 28, 2021, 08:56 IST
ചെന്നൈ: ബ്രിട്ടനിൽനിന്ന് ഇറക്കുമതി ചെയ്ത ആഡംബര കാറിൻ്റെ നികുതി ഇളവ് തേടിയ കേസിൽ നടൻ വിജയ്ക്ക് ഒരു ലക്ഷം രൂപ പിഴയിട്ട സിംഗിൾ ബെഞ്ച് വിധി മദ്രാസ് ഹൈകോടതി സ്റ്റേ ചെയ്തു.
കൂടാതെ ഒരാഴ്ചക്കകം വാഹനത്തിൻ്റെ നിയമപ്രകാരമുള്ള പ്രവേശന നികുതിയടക്കാനും ജസ്റ്റിസുമാരായ ആർ.ഹേമലത, എം. ദുരൈസാമി എന്നിവരടങ്ങിയ ഡിവിഷൻ ബെഞ്ച് ഉത്തരവിട്ടു. സിംഗ്ൾ ബെഞ്ച് ഉത്തരവിനെതിരെ അപ്പീൽ നൽകി വിജയ് വീണ്ടും ഹൈക്കോടതിയെ സമീപിച്ചിരുന്നു . ഇതിനെ തുടർന്നാണ് വിജയ്ക്ക് ഇടക്കാല സ്റ്റേ ലഭിക്കുന്നത്.