പ്ലസ് വൺ പ്രവേശന നടപടികൾ അനിശ്ചിതത്വത്തിൽ
Jul 28, 2021, 07:38 IST
തിരുവനന്തപുരം: സംവരണം 50 ശതമാനം കവിയരുതെന്ന സുപ്രീംകോടതി വിധി പ്ലസ് വൺ പ്രവേശന നടപടികൾ അനിശ്ചിതത്വത്തിലാക്കി. പ്ലസ് വൺ പ്രവേശനത്തിലെ സംവരണം കഴിഞ്ഞ വർഷം വരെ 48 ശതമാനമായിരുന്നു . എന്നാൽ കഴിഞ്ഞ വർഷം മുതൽ 10 ശതമാനം സീറ്റുകൾ മുന്നാക്ക സംവരണത്തിന് നീക്കിവെച്ചതോടെ മൊത്തം സംവരണം 58 ശതമാനമായി.
മറാത്ത സംവരണം റദ്ദാക്കിയുള്ള വിധിയിലൂടെ സംവരണം 50 ശതമാനം കവിയരുതെന്ന് സുപ്രീംകോടതി വിധി വന്നതോടെ പ്ലസ് വൺ പ്രവേശനം പ്രതിസന്ധിയിലായി. ജൂലൈ അവസാനത്തിൽ വിജ്ഞാപനം പ്രസിദ്ധീകരിക്കുമെന്ന അധികൃതരുടെ അറിയിപ്പ് ഇതോടെ അനിശ്ചിതത്വത്തിലായി.