ക്രിക്കറ്റ് താരം സുരേഷ് റെയ്‌നയുടെ ബന്ധുക്കളുടെ കൊലപാതകം; ഒരാൾ കൂടി അറസ്റ്റിൽ

ബറേലി: ക്രിക്കറ്റ് താരം സുരേഷ് റെയ്‌നയുടെ ബന്ധുക്കളുടെ കൊലപാതകവുമായി ബന്ധപ്പെട്ട് ഒരാൾ കൂടി അറസ്റ്റിലായി. ചജ്ജു എന്ന് വിളിക്കുന്ന ചൈമർ എന്ന യുവാവാണ് അറസ്റ്റിലായത്. സംഭവുമായി നേരിട്ട ബന്ധമുള്ളയാളാണ് ചൈമർ എന്ന് പോലീസ് പറഞ്ഞു. സംഭവത്തിന് ശേഷം ഹൈദരാബാദിലേക്ക് നാട് വിട്ട ചജ്ജു കഴിഞ്ഞ ദിവസമാണ് ബറേലിയിലെ തന്‍റെ ഗ്രാമമായ പച്പെദയിലേക്ക് മടങ്ങിയെത്തിയത്. ഉത്തർപ്രദേശ് സ്‌പെഷ്യൽ ടാസ്‌ക് ഫോഴ്‌സും (എസ്ടിഎഫ്) പഞ്ചാബ് പൊലീസും സംയുക്തമായി നടത്തിയ നീക്കത്തിലാണ് പ്രതി പിടിയിലായത്. ആക്രമണത്തിൽ ഉൾപ്പെട്ട സംഘത്തിലെ മൂന്ന് പേരെ കഴിഞ്ഞ സെപ്റ്റംബറിൽ അറസ്റ്റ് ചെയ്തിരുന്നു.