ഇന്ത്യൻ ക്രിക്കറ്റിൽ പൊയ്പ്പോയ വർഷങ്ങളിലെ മഹത്തായ നിമിഷങ്ങളിലൊന്ന്; മറക്കാനാവാത്ത ഗാംഗുലിയുടെ ആ വിജയാഘോഷത്തിന് 19 വയസ്

മുംബൈ: 2002 ജൂലൈ 13നാണ് ലോർഡ്സിൽ എല്ലാ പ്രതിബന്ധങ്ങളെയും മറികടന്നുകൊണ്ട് നാറ്റ്‌വെസ്റ്റ് പരമ്പരയുടെ ഫൈനലിൽ ഇന്ത്യ ഇംഗ്ലണ്ടിനെ പരാജയപ്പെടുത്തിയത്. യുവരാജ് സിങ്ങിന്റെയും മുഹമ്മദ് കൈഫിന്റെയും അവസാനഘട്ട പരിശ്രമങ്ങൾക്കൊടുവിലെ ആ വിജയത്തിന് പിറകേയായിരുന്നു ലോർഡ്സിന്റെ ബാൽക്കണിയിൽ അന്നത്തെ ഇന്ത്യൻ നായകൻ സൗരവ് ഗാംഗുലിയുടെ ഒരിക്കലും മറക്കാനാവാത്ത ആ വിജയാഘോഷം നടന്നത് – ഇന്ത്യൻ ക്രിക്കറ്റിൽ പൊയ്പ്പോയ വർഷങ്ങളിലെ മഹത്തായ നിമിഷങ്ങളിലൊന്നായിരുന്നു അത്.