പത്തൊന്പതാം ഭരണഘടനാ ഭേദഗതി പിൻവലിക്കണമെന്നു മൈത്രിപാല സിരിസേന
കൊളംബോ: പ്രസിഡന്‍റിന്‍റെ അധികാരം വെട്ടിക്കുറച്ച പത്തൊന്പതാം ഭരണഘടനാ ഭേദഗതി പിൻവലിക്കണമെന്നു ശ്രീലങ്കൻ പ്രസിഡന്‍റ് മൈത്രിപാല സിരിസേന. രാജ്യത്തെ ഇപ്പോഴത്തെ അസ്ഥിരതയ്ക്കു കാരണം ഈ ഭേദഗതിയാണെന്നും സിരിസേന ചൂണ്ടിക്കാട്ടി.
സിരിസേന തന്നെയാണു ഭരണഘടനാ ഭേദഗതി കൊണ്ടുവന്നത്. പാർലമെന്‍റ് പിരിച്ചുവിടാനുള്ള അധികാരം ഇതോടെ പ്രസിഡന്‍റിനു നഷ്ടമായി. മൂന്നാംതവണ പ്രസിഡന്‍റ് പദത്തിലേക്കു മത്സരിക്കാനും വിലക്ക് ഏർപ്പെടുത്തി.
