ജെ.സി.ഐ . ഒലവക്കോട് ട്രെയിനിങ് കണക്‌ട് പരിപാടി സംഘടിപ്പിച്ചു
പാലക്കാട്: മഹാമാരിയുടെ കാലഘട്ടത്തിൽ പോസിറ്റീവ് ചിന്തകളുമായി ഇന്ത്യയിലെ വിവിധ മേഖലകളിലുള്ള ജെ.സി.ഐ ഘടകങ്ങളുമായി സഹകരിച്ചു കൊണ്ട് ജെ.സി.ഐ . ഒലവക്കോട് നടത്തുന്ന ട്രെയിനിങ് കണക്‌ട് പരിപാടിയുടെ ഭാഗമായി ജെ.സി.ഐ തിരുപ്പൂർ സ്മൈൽസുമായി ചേർന്ന് കൊണ്ട് “അബ്നോർമൽ ദി ന്യൂ നോർമൽ ” എന്ന ദേശീയ വെബിനാർ സംഘടിപ്പിച്ചു . ജെ.സി.ഐ മുൻ അന്താരാഷ്ട്ര പ്രസിഡണ്ടും ലോക പ്രശസ്ത നേതൃത്വ പരിശീലകനുമായ കാമറൂണിൽ നിന്നുള്ള റോളണ്ട് ക്വിമെയ്ൻ പരിപാടി നയിച്ചു . പ്രസിഡണ്ട് വർഷ എസ് കുമാർ അധ്യക്ഷത വഹിച്ച പരിപാടിയിൽ ദേശീയ പ്രസിഡണ്ട് രാഖി ജെയിൻ മുഖ്യാതിഥിയും മുൻ ദേശീയ പ്രസിഡണ്ട് എസ് .രവിശങ്കർ ഉദ്‌ഘാടകനുമായി . മേഖലാ പ്രസിഡണ്ടുമാരായ രോഹിത് കുമാർ ലോധ , ഡോ. സുശാന്ത് , സുഷമ വിശ്വകുമാർ എന്നിവർ സംസാരിച്ചു. ശ്രീകുമാർ സ്വാഗതവും സമാധാന പ്രഭു നന്ദിയും പറഞ്ഞു . വിവിധ സംസ്ഥാനങ്ങളിൽ നിന്നായി 200 ൽ പരം പേർ പരിപാടിയിൽ പങ്കെടുത്തു .
