മരണദൃശ്യങ്ങൾ പെൺസുഹൃത്തിന്‌ വീഡിയോ കോളിലൂടെ തത്സമയം അയച്ച് യുവാവ് തൂങ്ങിമരിച്ചു

ചേർത്തല: മരണദൃശ്യങ്ങൾ പെൺസുഹൃത്തിന്‌ വീഡിയോ കോളിലൂടെ തത്സമയം അയച്ച് യുവാവ് വീടിനുള്ളിൽ തൂങ്ങിമരിച്ചു. കടക്കരപ്പള്ളി ഗ്രാമപ്പഞ്ചായത്ത് 12-ാം വാർഡ് മാളിയേക്കൽ മോഹനന്റെയും സിന്ധുവിന്റെയും മകൻ ശ്രീരാഗ് (25) ആണ് മരിച്ചത്. വെള്ളിയാഴ്ച മൂന്നരയോടെയായിരുന്നു സംഭവം.

വീഡിയോ കോളിലൂടെ ദൃശ്യങ്ങൾ കണ്ടതിനെത്തുടർന്ന്‌ സുഹൃത്ത് പ്രതിശ്രുതവരനുമായി കടക്കരപ്പള്ളിയിൽ യുവാവിന്റെ വീട്ടിലെത്തി വിവരം അറിയിച്ചു. എന്നാൽ, ഇവർ എത്തുമ്പോഴേക്കും മരണം സംഭവിച്ചിരുന്നു.