ഐഎസ്ആർഒയുടെ രണ്ടാം ചാന്ദ്രദൗത്യത്തിന് ആശംസകൾ നേർന്ന് രാഷ്ട്രപതി
ന്യൂഡൽഹി: ഐഎസ്ആർഒയുടെ രണ്ടാം ചാന്ദ്രദൗത്യം അടുത്തമാസം നടക്കാനിരികെ ആശംസകൾ നേർന്ന് രാഷ്ട്രപതി രാംനാഥ് കോവിന്ദ്. ഐഎസ്ആർഒ ചെയർമാൻ കെ. ശിവനെ വിളിച്ചു വരുത്തിയാണ് രാഷ്ട്രപതി ആശംസകൾ നേർന്നത്. 10 വർഷം മുന്പായിരുന്നു ചന്ദ്രയാൻ-2-ന് കേന്ദ്രസർക്കാർ അനുമതി നൽകിയത്. ചന്ദ്രനിലെ രാസഘടനയെപ്പറ്റി പഠിക്കുക എന്ന ലക്ഷ്യമാണ് ചന്ദ്രയാൻ -2 ദൗത്യത്തിനുള്ളത്.
ഇന്ത്യയുടെ അഭിമാന പദ്ധതിയായ ചന്ദ്രയാൻ-2 അടുത്തമാസമാണ് വിക്ഷേപിക്കുന്നത്. ചന്ദ്രയാൻ രണ്ടിന്റെ ഓർബിറ്ററും ലാൻഡറും ഉൾപെടുന്ന പേടകത്തിന്റെ ദൃശ്യങ്ങൾ ഐഎസ്ആർഒ കഴിഞ്ഞ ദിവസം പുറത്തുവിട്ടിരുന്നു. ജൂലൈ ഒന്പതിനും പതിനാറിനും ഇടയ്ക്ക് പേടകവുമായി ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽനിന്ന് റോക്കറ്റ് കുതിച്ചുയരുമെന്നാണ് ഐഎസ്ആർഒ നൽകുന്ന വിവരം.