ജർമനിയിൽ നൈറ്റ്ക്ലബിൽ വെടിവയ്പ്; രണ്ടു പേർ കൊല്ലപ്പെട്ടു
Jul 30, 2017, 18:49 IST
ബെർലിൻ: ജർമനിയിലെ നൈറ്റ്ക്ലബിലുണ്ടായ വെടിവയ്പിൽ അക്രമിയുൾപ്പെടെ രണ്ടു പേർ കൊല്ലപ്പെട്ടു. മൂന്നു പേർക്ക് ഗുരുതര പരിക്കേൽക്കുകയും ചെയ്തു. തെക്കൻ ജർമനിയിലെ കോൺസ്റ്റാൻസിൽ ഞായറാഴ്ച പുലർച്ചെ ജർമൻ സമയം 4.30 ന് ആയിരുന്നു സംഭവം.
ഗ്രെ ക്ലബിലായിരുന്നു ആക്രമണം നടന്നത്. 34 വയസുള്ള ഇറാക്ക് പൗരനാണ് ആക്രമണം നടത്തിയത്. വർഷങ്ങളായി ഇയാൾ ജർമനിയിൽ താമസിച്ചുവരികയായിരുന്നു. ആക്രമണത്തിന്റെ ഉദ്ദേശ്യം വ്യക്തമല്ല. പോലീസുമായുണ്ടായ ഏറ്റുമുട്ടലിലാണ് അക്രമി കൊല്ലപ്പെട്ടത്. ഏറ്റുമുട്ടലിൽ ഒരു പോലീസുകാരനും പരിക്കേറ്റിട്ടുണ്ട്.