തമിഴ് ചിത്രം പൊന്‍ മാണിക്കവേലിലെ രണ്ടാമത്തെ ഗാനം ഇന്ന് റിലീസ് ചെയ്യും
Jun 21, 2019, 09:06 IST
പ്രഭുദേവ നായകനായി എത്തുന്ന ഏറ്റവും പുതിയ തമിഴ് ചിത്രമാണ് ‘പൊന്‍ മാണിക്കവേല്‍’. ചിത്രത്തിലെ രണ്ടാമത്തെ ഗാനം ഇന്ന് റിലീസ് ചെയ്യും. പ്രഭുദേവ ആദ്യമായി പോലീസ് ഓഫീസറായി അഭിനയിക്കുന്ന ചിത്രം കൂടിയാണിത്.
എ.സി മുകിൽ ആണ് ചിത്രം തിരക്കഥയെഴുതി സംവിധാനം ചെയ്യുന്നത്. ഡി ഇമ്മാൻ ആണ് ചിത്രത്തിന് വേണ്ടി സംഗീതം ഒരുക്കുന്നത്. ജബക് മൂവീസിന്റെ ബാനറില്‍ നെമിചന്ദ് ജബക്, ഹിതേഷ് ജബക് എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. നിവേദ പെദുരാജ് നായികയായി എത്തുന്ന ചിത്രത്തിൽ ജെ. മഹേന്ദ്രന്‍, സുരേഷ് മേനോന്‍ എന്നിവരാണ് മറ്റ് പ്രധാന താരങ്ങൾ.
