ഉറങ്ങാൻ ഇഷ്ടമില്ലാത്ത ആരാണുള്ളത് ? വിശ്രമത്തില്‍ പ്രധാനപ്പെട്ടതായ ഉറക്കം ദീർഘായുസിലേക്ക് നയിക്കുന്നു. ഉറക്ക പ്രശ്നങ്ങൾ ഇന്ന് പലരേയും ബുദ്ധിമുട്ടിക്കുകയാണ്. ഉറക്കം മുറിഞ്ഞ് പോകുന്ന അവസ്ഥ, ഉറക്കമില്ലായ്മ, ആഴത്തിലല്ലാത്ത ഉറക്കം തുടങ്ങിയ നമ്മുടെ ശാരീരിക – മാനസിക പ്രവർത്തനങ്ങളെ ബാധിക്കുന്നു. ഉറങ്ങുന്നതുകൊണ്ട്‌ ഇങ്ങനെ പല ഗുണങ്ങളുണ്ടെങ്കിലും പലതും നമ്മുടെ ഉറക്കം കളയുന്നു. കൃത്യസമയത്ത് ഉറക്കം കണ്ണുകളിലേക്ക് എത്താറുമില്ല. ഉറക്കം തൂങ്ങി ക്ലാസ് മുറികളിലും, ജോലി സ്ഥലത്തും നാം ചിലവഴിക്കുന്നു. നിങ്ങൾക്ക്‌ എങ്ങനെ കൂടുതൽ ഉറങ്ങാം എന്നതിനെക്കുറിച്ച് ചിന്തിച്ചിട്ടുണ്ടോ ?
ഉറക്കം ഒരു ആവശ്യമാണെന്ന് മനസിലാക്കുക. ഉറക്കം ശരിയായില്ലെങ്കിൽ നിങ്ങൾക്കൊന്നും ആസ്വദിക്കാൻ കഴിയില്ലെന്ന് മനസിലാക്കുക. സ്ഥിരമായി രാത്രി വൈകിയും കൂട്ടുകാരോടൊപ്പം കറങ്ങിനടക്കുന്ന ശീലങ്ങൾ ഒഴിവാക്കുക. ഫോൺ കാരണം ചിലർക്ക് സമയത്ത് ഉറങ്ങാൻ പറ്റാതെവരുകയോ ഇടയ്‌ക്ക്‌ ഉണരേണ്ടിവരുകയോ ചെയ്യാറുണ്ട്. ചിട്ടയുള്ളവരായിരിക്കാൻ പരിശീലിക്കുക. എല്ലാ ദിവസവും ഒരേ സമയത്ത് കിടക്കാനും എഴുന്നേൽക്കാനും ഒരു മാസം പരിശീലിച്ച് നോക്കൂ. ഫോണിൽനിന്നും ടാബിൽനിന്നും ടിവി-യിൽനിന്നും വരുന്ന പ്രകാശം ഉറങ്ങാൻ ബുദ്ധിമുട്ടുണ്ടാക്കുമെന്ന് പഠനങ്ങൾ പറയുന്നു. അതിനാൽ ഉറങ്ങാൻ കിടിക്കുന്നതിന് ഒരു മണിക്കൂർ മുമ്പ് ഇന്റർനെറ്റ്‌ ഉപയോഗിക്കുന്നതും നേരം വൈകി കൂട്ടുകാർക്കു മെസ്സേജ്‌ അയക്കുന്നതും നിറുത്തുക.അടുത്ത ദിവസം നേരത്തേ എഴുന്നേൽക്കണം എന്നു വിചാരിച്ച്‌ ഒരു ആഘോഷത്തിൽ നിന്ന് നേരത്തെ പോരുക എന്നത് ബുദ്ധിമുട്ടുള്ള കാര്യമാണ്. പക്ഷെ നമ്മുടെ ശരീരത്തിൻ്റെ പരിമിതിയും നാം മനസിലാക്കണം. ഒരു ടൈംടേബിൾ ഉണ്ടാക്കി അതിൽ ഉറങ്ങാനുള്ള സമയം മാറ്റിവെക്കണം. അതേ സമയത്ത് കിടന്നുറങഅങുക. വിശ്രമിക്കാൻ സമയം കണ്ടെത്തുന്നത് നല്ല ഉറക്കത്തിലേക്കുള്ള വാതിലാണ്
