മുല്ലപ്പള്ളി രാമചന്ദ്രന്റെ വ്യാജ മെയിൽ ഐഡി പരാതി; ഡിജിപി അന്വേഷണത്തിന് ഉത്തരവിട്ടു ഡിജിപി
തിരുവനന്തപുരം: കെപിസിസി പ്രസിഡന്റ് മുല്ലപ്പള്ളി രാമചന്ദ്രന്റെ പേരിൽ വ്യാജ ഇ മെയിൽ ഐഡി ഉപയോഗിച്ച് പണം തട്ടുന്നുവെന്ന പരാതിയിൽ ഡിജിപി ലോക്നാഥ് ബെഹ്റ അന്വേഷണത്തിന് ഉത്തരവിട്ടു. ഹൈടെക്ക് സെല്ലിനാണ് അന്വേഷണച്ചുമതല.കടുത്ത സാമ്പത്തിക പ്രതിസന്ധി നേരിടുന്ന സാഹചര്യത്തിൽ സഹായിക്കണമെന്ന മുല്ലപ്പള്ളിയുടെ പേരിലുള്ള വ്യാജ അഭ്യർഥന കെപിസിസി ജനറൽ സെക്രട്ടറിമാർക്ക് അടക്കം ലഭിച്ചതോടെയാണ് തട്ടിപ്പു പുറംലോകം അരിഞ്ഞത്.തന്റെ പേരിൽ വ്യാപകമായി പണപ്പിരിവ് ശ്രദ്ധയിൽപ്പെട്ടിട്ടുണ്ടെന്നും അതിനെതിരെ മുഖ്യമന്ത്രിക്കും ഡിജിപിക്കും പരാതി നൽകിയിട്ടുണ്ടെന്നും കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ നേരത്തെ തൻറെ ഫേസ്ബുക്കിലൂടെ അറിയിച്ചിരുന്നു.