അനിൽ അംബാനിയോട് പണം ആവശ്യപ്പെട്ട് ചൈനീസ് ബാങ്കുകളും
മുംബൈ: അനിൽ അംബാനിയോട് പണം ആവശ്യപ്പെട്ട് ചൈനീസ് ബാങ്കുകളും. ചൈന ഡെവലപ്മെന്‍റ് ബാങ്ക്, ഇൻഡസ്ട്രിയൽ ആൻഡ് കൊമേഴ്സ്യൽ ബാങ്ക് ഓഫ് ചൈന, എക്സിം ബാങ്ക് ഓഫ് ചൈന എന്നീ സ്ഥാപനങ്ങളാണ് റിലയൻസ് കമ്യൂണിക്കേഷൻസ് തങ്ങളോടു വാങ്ങിയ പണം ഉടൻ തിരികെ നൽകണമെന്ന് ആവശ്യപ്പെട്ടിരിക്കുന്നത്.
ചൈന ഡവലപ്പ്മെന്‍റ് ബാങ്കിന് 9,860 കോടി രൂപയാണ് റിലയൻസ് കമ്യൂണിക്കേഷൻസ് നൽകാനുള്ളത്. എക്സിം ബാങ്കിന് 3,360 കോടിയും ഇൻഡസ്ട്രിയൻ ആൻഡ് കൊമേഴ്സ്യൽ ബാങ്ക് ഓഫ് ചൈനയ്ക്ക് 1,554 കോടിയാണ് കിട്ടാനുള്ളത്. ആസ്തികൾ വിറ്റ് കടം തീർക്കാനുള്ള റിലയൻസ് കമ്യൂണിക്കേഷൻസിന്‍റെയും അനുബന്ധ സ്ഥാപനങ്ങളുടെയും ശ്രമങ്ങൾ തുടരുകയാണ്.