സിവില്‍ സര്‍വീസ് ഉദ്യോഗസ്ഥന്‍ സിദ്ധാര്‍ഥ് ശര്‍മ ടാറ്റാ ഗ്രൂപ്പിലേക്ക്
മുംബൈ: സിവില്‍ സര്‍വീസ് ഉദ്യോഗസ്ഥന്‍ സിദ്ധാര്‍ഥ് ശര്‍മ ടാറ്റാ ഗ്രൂപ്പിലേക്ക്. നാളെ ടാറ്റാ ഗ്രൂപ്പിന്‍റെ ചീഫ് സസ്റ്റൈനബിലിറ്റി ഓഫീസറായി അദ്ദേഹം ചുമതലയേല്‍ക്കും.സര്‍ക്കാര്‍ ജോലിയില്‍നിന്നു പിരിഞ്ഞുപോകുകയോ വിരമിക്കുകയോ ചെയ്താല്‍ ഒരു വര്‍ഷത്തിനു ശേഷം മാത്രമേ സ്വകാര്യ കന്പനിയില്‍ പ്രവേശിക്കാന്‍ പാടുള്ളൂ എന്ന് നിയമമുണ്ട്. എന്നാല്‍, കഴിഞ്ഞ വര്‍ഷം ടാറ്റാ ഗ്രൂപ്പില്‍ ചേര്‍ന്ന എസ്. ജയ്ശങ്കറിന് ഈ നിയമത്തില്‍നിന്ന് സര്‍ക്കാര്‍ ഒഴിവ് നല്കിയിരുന്നു. ഇന്ത്യയുടെ വിദേശകാര്യ സെക്രട്ടറിയായി വിരമിച്ച ജയ്ശങ്കര്‍ ഏതാനും മാസങ്ങള്‍ക്കുള്ളില്‍ ടാറ്റാ ഗ്രൂപ്പിന്‍റെ ഭാഗമായി.
