തമിഴ്നാട്ടില്നിന്ന് കണ്ടെയ്നര് ലോറിയില് എത്തിച്ച പത്തര കിലോ കഞ്ചാവുമായി രണ്ടുപേര് പിടിയിൽ
മാവേലിക്കര: തമിഴ്നാട്ടില്നിന്നും കണ്ടെയ്നര് ലോറിയില് എത്തിച്ച 10.33 കിലോ കഞ്ചാവ് എക്സൈസ് പിടികൂടി . സംഭവത്തിൽ രണ്ടുപേര് അറസ്റ്റില്. തെക്കേക്കര പോനകം കൈപ്പള്ളിത്തറയില് എം. മഹേഷ് (31), ചെന്നിത്തല തെക്ക് മാലിയില് എം. രാഹുല് (27) എന്നിവരെയാണ് അറസ്റ്റ് ചെയ്തത് .എക്സൈസ് സി.ഐ ആര്. മനോജിെന്റ നേതൃത്വത്തിലാണ് നടപടി . കൊച്ചാലുംമൂടിനു സമീപത്തെ വര്ക്ക്ഷോപ്പില്നിന്നാണ് ഇവരെ അറസ്റ്റ് ചെയ്തത്.വര്ക്ക്ഷോപ്പില് കാണപ്പെട്ട എറണാകുളം രജിസ്ട്രേഷനിലുള്ള കണ്ടെയ്നര് ലോറിയില് നടത്തിയ പരിശോധനയില് കാബിനില് സൂട്ട്കേസില് ഒളിപ്പിച്ച നിലയിലായിരുന്നു കഞ്ചാവ്. സംഭവത്തിൽ കടത്താൻ ഉപയോഗിച്ച ലോറിയും കസ്റ്റഡിയിലെടുത്തു.